combattant

Combattant, m. acut. Est celuy qui combat, ou est en arroy pour combattre. Selon ce est le cry du heraut au camp clos, quand l'assaillant et defendant sont commandez faire leur devoir, Laissez-les aller les vaillans combattans. c. ceux qui cy sont en arroy et equipage pour combattre. Emittite in duellum duelliones. Et selon ce aussi on dit, Le Roy a cinquante mille combattans. Quinquagies mille pugnatorum. i. instructorum procinctorumque ad pugnam. Ce qui est entendu sans les gens du bagage, vivandiers, et autres suyvans l'armée, qui ne sont ordonnez ni levez pour le combat. Car ce mot Combattant ne signifie pas seulement {{o=seulemt}} celuy qui actuellement combat: ains celuy aussi qui est en appareil d'armes et de guerre, pour combattre, où, et quand besoin sera. Et quand on dit en une armée y avoir cinquante mille combattans, ce nombre est entendu de ceux qui sont enroollez pour le fait de la bataille, et du combat. Selon cette proprieté du mot, la valetaille, les chartiers et gens du bagage de l'armée ne peuvent estre dits du nombre des combattans, quoy que les Reitres et autre cavallerie estrangere les y vueillent conter, soit à la monstre, soit à une reveüe, soit au conflict. Ce qu'on peut à juste tiltre dire estre Cauponari bellum, non belligerare.

Combattant et defendant, Consertor, Depugnans, Duellator, Pugnator, Propugnator.

Thresor de la langue françoyse. Jean Nicot.